السيال الكبير (سيال كريم الدين)

قرية سيال النفيعا ب أو السيال الكبير اوالسيال كريم كلها أسماء القرية حيث كثرة الأسماء تدل علي عظمة المسمي الأسد له اكثر من 90 اسم كل اسم له مدلولة! سميت بالسيال الكبير لانها من اقدم القرى بالمنطقة اذ يرجع تاريخ القرية الي اكثر من800 عام ومن ناحية المساحة والسكان هي من اكبر القرى في المنطقة ..!اما اسم سيال النفيعا ب السواد الأعظم من سكانالقرية هم نفييعاب وجميع النفيعا ب والنافعاب بالسودان أصلهم هذه القرية كانو رعاه يقطنون نقع النفيعا ب مع مواشبهم في فصل الخريف والصيف وفي فصل الشتاء والدرت ينزلون البحر يرعون ويزرعون الجروف ولم يكن يعرفون الاستقرار ! أما اسم سيال كريم الدين وهو الأشهر نسبةلذرية الشيخ عبدالله ود ابارو وهم ابناء اخت النفيعاب حيث جاء هذا الشيخ العالم الفقيه من الحجاز لنشر ألا سلام مع تلاميذه ومر بهذه المنطقةوجد بها أثر سكن فجلس بها يعمل بالعلم مع حيرانه فجا اهلنا النفيعاب من النقع في رحلة الشتاء فوجدوا هذا الفقيه يعلم حيرانه فى مكان سكنهم ..- فطلبوا منه ان يجلس معهم يعلمهم الدين وزوجوه منهم امراة هي التي الابوراب في جميع انحاء السودان فهذا الاسم منسوب لذرية من فرع لواء العلم الديني بالمنطقة ........تقع هذه القريه في ولاية نهر النيل محافظة المتمة عرب شندي ...قاصد القيادة الشمالية بشندى غربها ..عديل ضربة بندق................يتبع........ابوصلاح

 دانقة الباشا

.....جدنا الباشا هو معروفين ود طول عمرو من موالي ناس الجزولي له اخ هو بلال ابو عتمان بلال كان طباخ المناسبات بالمتمة وما جاورها وأخته عاليات ام الجنة والتايه بشندي. الباشا هو أول من أنشأ منتدي اجتماعي بالقرية هي الدانقة كانت لا حوش لها تفتح في الشارع الدانقة نادى 24 ساعة في الصباح اماتنا لما يعوسن ارسلننا الداقة وهو يلعبنا ويدينا التمر والفول والبركة من الجبنة لما امك تجى تسوقك لازم تجيب معاها صحن كسرة او كورية ملاح لانو لو ما حصل دي باكر مطرود من الروضة قد ورثنا هذا التقليد من القبلنا والقبلهم .الكسرة لازم تكون رهيفة إذا كانت تخينة اولقمة برجعوها وتصير موضوع ونسة ألبوم. .يجن الحريم الكبار في الظهر كل واحده معاها سكر .الشاي أوبن يسوي الباشا الجبنة والشاي ويقسم حسب الشي الجبته معاك ولو ما جبت لا بدوك ولا يذكروااسمك في الونسة .بعد العصر يجو الصبيان من الغابة كل واحد يجيب معاه قنقر او لوبيا او ملة اوقش الغنم إذا داير ونسة غير كدي طرد .بعد المغرب الناس الكبار يهديهم النشرة حقت الحلة .وكان يحب ويكره ناس .كان فنان السيال ألما رقصها الباشا التمتم ما عرسوها تقع الآن في الكوع الجنوبي لبيت عمنا بابكر حميدة هداها له خالنا الجزولي ....قصر منصور ....وهو الدمبو العالي القدام دكان خالنا كبران حاليا أفتح فيه دكان ابراهيم خراش. قصر منصور ود سعد أخو عبدالله ود سعد كان متزوج سعيدة بت عبدالرحمن وحامد اخت ود د بارو ابو الوكيل واخوانة وخالت الشكلاب. سعيدة بت ود العيش مسمية عليها ولم يكن لهم عقب ....بير الدهسير.....الدهسير نوع من النبات كان ينمو في منطقة البير ..هي البير المشهورة في المنطقة شرق حوش مجذوب هذه البير لا احد يعرف تاريخها هي بير قديمة جدا تحتاج جهد جيولوجيا ماؤها عذب مثل النيل بالضبط .لا احد من السيال لم يشرب منها من اجداد الاجداد .خالنا جحا قال موية بير الدهسير لبن اليمانين .هذه البير عبارة عن سرف عميق فيها عين من النيل مباشرة انا نزلت فيها وشفتها.كان بالبير زمان بكارية لنشل الماء .الصبة الاسمنتية الحالية صباها حنديد رحمه.اللة ومصطفي ود النعيمة ..كان يتعهدها بالقلع والصيانة جدنا سلمان كاران ومن بعده أولاده وأحفاده اخر شي تعهدها حنديد معاه كل جماعة حوش مجذوب.... ... ...يتبع .... ......

 المعالم بقرية السيال

    ...شجرة حسونة....نسبة لحسونة بت درب شق جدة المسج .هي سياله كبيرة في حلة قدام امام منزل اولاد مساعد .كان حريم حلة قدام يشربن تحتها جبنة الضحي والونسة تجر كل امراة ترد من الصباح بير الدهسير لازم تمر تاخذ خبر .كانت زعيمة الجلسة الخالة فاطمة بت سلمان وهي لا عقب لها هي اخت النعمة ام حاج سعيد والتوبة ام عوض الشيخ .من بعد الظهر يفتل الشباب تحتها حيال الحلفا .....شجرةالدلوكة.....تقع في درب العربات بين حلة فوق وتحت شرق بيت عمنا مصطفي علي وخالنا جحا .وهي ظليلة كان تحتها تقام حفلات الزواج من الظهر الي قريب المغرب ....شجرة ود شلي ...هذا الرجل جزار من اهل الكدركول كان جزار كل جمعة كان يذبح ثور فى هذه الشجرة كانت تقع في حلة قدام مكان المشتل ....شجرات ترتر .... هن الشجرات شرق حلة وراء قدام بيت كرري كان الناس يلعبون تحتن السيجة الضحي والعصر . ...نخلة زرقان ....نخلة طويلة داخل سور قدام بيت زرقان وعثمان الامين .زرقان هو جدنا عبدالله ود جابر كانت زوخته مستقيمة انجب منها رابحة.عبد الباسط وعطا .عطا جابر يسكن الدروشاب وهو من أول الملاكمين في السودان كان اسمه في حلبة الملاكمة ود السيال ...العلوية.... هي معروفه كانت لصق جدار حوش محمد مختار الشمالي .....الابيارالقديمة ......بيرالدهسير تحدثنا عنها ..بئر مجذوب في حلة وراء بالضبط قدام بيت الحاجه السيدة بت الفكي احمد لا عقب لها كان زوجها للعمدة ود سوميت من تميد النافعاب ... بير عبد القادر كريم الدين في حلة فوق غرب بيت جحا .....بير حسين ود دفعالله ابوالجاك هي جنوب بوابة بيت محمد خير ود دبارو بالضبط ....بيرمبارك ....في حلة وراء قدام بيت محمد بلال .....الابار التي حضرنا حفرها.....بيرعبدالفتاح .ودالسيد .عباس في حلة فوق بير ود العتيق .ود الريح في العقدة ... بير ود يوسف ود حمزه في العرفية ...بير الخلوة ..بير ود العامل ...بير المدرسة ................... .استراحة ............
السيال الأم الرؤم .....##....الفي الحضن ضمتنا رحمك أنجب اسود .....##...في الحاره هم أخوتنا
منهم الفارس الجسور..##..امرخةداك قدرتنا في سوحك لعبنا ....###...في الرمال دردقنا بي حبك شرقنا ...####...نار البعد حرقتنا مابننسا الزمان الفيه استمتعنا .###..بشديت وبحرينا ديمة لعبنا ..........يتبع... ... ... 

  مدرسة التعاون

     ..مدرسة التعاون أسست في السيال في أول الخمسينات في بيت محمد الريح أخو السرة بت الريح جدة بت طه ام اولاد عبدالله ود سلمان الصغار ام امها واخو الخضر وعبد الرحمن ود الريح .وهو بيت النقر الحالي .كان ناظرها اسمه ابو الدهب .المدرسة الأولية الحالية أسست عام 1956 كان أيضا الناظر ابو الدهب جاء بعده الأستاذ سليمان كركبة من الشقالوة ثم الأستاذ شمس الدين من مويس وبعده الأستاذ الأمين مصطفي ثم الاستاذابو عبيده الجزولي من بعده عدة نظار معروفين لدي الجميع وقدكان لهذة المدرسة الفضل في تعليم الأجيال بالمنطقة من السيال الصغير الي الحميراب من 1956 الي عهدنا هذا لأنها كانت المدرسة الو حيدة بالمنطقة .القرية بها نسبة عالية من المتعلمين الآن لا يوجد بيت ليس به جامعي .السيال رايدة التعليم بالمنطقة حيث بها متعلمين من جيل ما قبل 1950 منهم علي سبيل المثال لا الحصر الأستاذ عمر أحمد كريم الدين وقد درس علي يديه أجيال في شندى والمتمة وبخت الرضا وقد ذكر لي المهندس علي سالم أبو وديع من المتمة أن الأستاذ السوداني الوحيد الذي رآه يلعب كرة المضرب مع الانجليز. .الأستاذ مصطفي علي من الرعيل الأول ..الأستاذ أبو عبيدة الجزولي من الجيل الأوسط ...ومن الرعيل الأول من المتعلمين الفريق احمد ابارو كان مدير عام الشرطة في حكومة الفريق عبود ..الاقتصادي تاج السر احمد عبد اللة يوسف الذي أسس البنك الأهلى بالسعودية واخوه السفير محمد الأمين ..السفير مصطفي حسن مساعد ..المهندس عمر عبدالله ..المهندس عمر صديق ...المهندس عبداللة علي ..الدكتور عمر الحاج سليمان ...الدكتور حسب الرسول الحاج سليمان ...اما من الجيل الاوسط والحالي يوجد متعلمين وخريجى جامعات في جميع للتخصصات ولا يخلو بيت بالقرية من موظف اوموظفه ...ولاننسي دور عمنا محمد مصطفي موسي ابو مرخة في خدمة السيال والمنطقة فهو رايد التعليم بالقرية وقد خدم القرية في الصحة والثقافة والاجتماعيات وهو كان محنك ولبق وشاعر وسياسي مخضرم قاد مظاهرة ضد المستعمر .كان حزب اتحادي ديموقراطي وصديق لكثير من للسياسيين بالذات السيد اسماعيل الا زهرة وقد سمي عليه ولده ......يتبع....

 الدنبوري

   ..هو محمد ود الخليفة ود عيسي كان ختمي بقرا المولد يوم الإثنين زوجته هى فرحوله بت شيخ البلد ود قاسم انجب منها مريم وهى الان ساكنة الشجرة .الدنبورى امه السره بت الريح .كان شخصية ظريفة يربي القرود وله ولد اسمه الحورى .كان يسكن السيال ثم رحل الشجرة مع اخوانه حتي توفي هناك ...الضريري.....هو اخ السيد عبد الرحمن كريم الدين .كان كفيف لكنه عالم وصاحب حكمة علي ما اظن من حملة القران الكريم .يسكن مع ناس السيد في منزل عبد القادر ود السيد الحالي كان يعالج بالرغبة الشرعية ويحوى قرصت العقرب لما كنا صغار كان هو الذي يعالجنا .وله طريقة خاصة قي الرغية .كان يضع علي المريض تبسة ويقرا وكل مرة يكسر منها جزء الحمد لله كنا نشفي كانت يده مبروكة لم أرى هذه الطريقة بعد وفاته رحمه الله ولم نعرف له عقب ....علي ود الحسن ....هو ابن خالت فاطمة بت علي وداحمد ام اولاد ود العتيق .ابقرجة .بلال.سعد.كروم .واخت العبيد ودعلي .وبت عم ست ابوها بت طه ام نفرين والتوم .كان ود الحسن ساكن في العقدة مع ناس ود العتيق وهو راجل طيب وطول الوقت مع الفكي ود الريح يسقى خمار الفكى ود الريح كان يلبس في رقبته حجاب ومحفظة لبسة علي طول عراقي دمورية .لم يتزوج.......عمر جحا ....هو عمر محمد سلمان أمة مدينه بت الخواض اخت زندية كلثوم ام اولاد حميده ود ملاح عمر حميده واخوانه وكانت تاجره اخونها طلب والصديق واحمودي .كان عمر جحا ينقل التراب من الحفر بالقليبة للبناء بالجالوص .كان يحب الشاي كل قروشة يصرفها سكر وشاي وهو طيب ومضحك ووناس وعشرى لكن تصرفاته طفولية .يقابلك في الشارع يسلم عادي لكن يخدعك بحجر ويجرى او يضربه ويجري .....فضيل ود الترح أخو محجوب وسلومه كان قزم يرعى الغنم ....حسونة أخو ود د بارو كان رجل مكتمل لكن عقله غير متطور راعى غنم ود د بارو ....هؤلاء الأشخاص كان لهم دور في المجتمع وقد نسيهم الزمن .أردت أن اذكر الناس بهم لكي يدعون لهم لأنهم جميعا لا عقب لهم ........يتبع....  

 السيال ...نساء في الذاكره

      ....هى كانت داية القريه بيتها جنب بيت الطاهر ود بتول زوجها زرقان انجب منها عبد البساط وعطا و رايحه لا عقب لها .كانت تبيع اللقيمات في المدرسة. ....فرحوله بت ود غرامه .....كانت الدايه قبل مستقيمة. هي زوجة الفكي عبد الرجيم ام الكجامي ابو على وعبد المحمود كانت وزوجته ست نور بت الفكي ود الريح وتزوج أخرى من السيال الصغير له منها ابناء والفكي حمد كان متزوج في المتمة البنيه بت العجمى اخت السارة ام اولاد الكجامي .ام بنات فرحوله هن بنات القبة 4 ام اولاد اب روايه وام اولاد حامد تجو وام اولاد عريبي والرابعة لا عقب لها.....زندية. .....كلتوم بت الخواض اخت مدينه ام اولادجحا والصديق وطلب واحمودي .ام اولاد حميده ملاح الضيب وعمر واخوانهم ولها بت نفسيه. كانت تاجرة فقه ...ست ابوها بت طه ....هي بت طه حسين اخت ستنا ام على ضبعه بشكيرة بت عم الطاهر ود بتول وأخواته والشول بت سعيد ام اولاد دلح وعبدالله ودسعيد ابو عبد القادر ود النيه والتيه جدته لأمه واخوانه الحاج وعبد الله ود الأمين وخالاته ام اولاد المنشتح وام حميدية .كانت ست ابوها متزوجه من ود الماحي ابو نفرين وواحد من الكتياب ابو التوم .كانت قويه عندها غنم ترعاها ومدسترة. .....العقيدية... هي بت عم ست أبوها. بت حامد اخت الشيخ ابو عمر والخضر ابو كبريت الذي اول من ادخل دعوة انصار السنه السيال والعقيد ابو الاستاذ احمد ام اولاد الحسن ود مهيد كانت قويه وصوتها رجولي تنظم في المناسبات الاكل معها ست ابوها. ...بت اللخضر ....كانت تاجرة قفه من حريم الكفاة قي الاعراس .اخوانها في الحميراب .ام اولاد حلال .....ام خدود......في العرفيه كانت تمنع أكل الحمبق وتكسير الحطب هي ام علي حسيب ...حاجه النيه بت البقارى ...هي زوجه فضل المولي ود التوم اخت حاج عيسي ابو ليبيا ومجرب وام الجدوصديق الحاج واخواتهم كانت داية العرفيه هي مرأه حديديه. ..عايشه بت محمود.....كانت داية القرية النظامية .زوجها احمد ود النور أخو النعمه ام اولاد عطا المنان له منها بنتان. اخوها سلمان أبو عبد الباسط .....بت آلمني بت مساعد ......هي اخت العبيد وحسن واللزوم وأب جزير وعوض الكريم والعاجبه ام على مساعد واخوانه كانت مصابه بانفصام التشخيصية وهي ظريفه .امها الستيه بت محمدصالح بت عم الزاكي والفكي العوض جد عوض اب دقن وبت خالت بنات بتول وبت عمة بنات مجذوب واحمد الجزولي .....صفيه دريش ونعمات امرخه اول من عملن مدرسات من بنات السيال.... ..يتبع....

 .السيال..إخوانى الأعزاء واحبتي الذين افتخر بهم ..أود أن أهمس في اسماعكم إذ رايتكم تتحدثون عن التجارب الناجحة و الفاشله ...النجاح والفشل توامان سياميان ملتصقين بالرأس اذا أردت فصلهما فقدت الآخر ...وهنا مربط عنان الفرس ...والقرار الصعب أيهما أصلح للبقاء ...الطبيعة البشرية والنفس السوية تفضل بقاء النجاح حيا والتخلص من الفشل .
لكن لإبقاء النجاح لا بد من توفر مقومات البقاء والاستمرار له لكي ينمو في جو سليم ومعافي من الأمراض والعلل النفسية...
لكى نصل لما ننشده لا بد من توفر الجدية ووحدة الهدف والمصير والبعد عن الأطماع والأنانية وما ذلك ليحدث الا بالتكاتف والتاذر ونكران الذات ..
وما حدث عندنا بالسيال في الفترات السابقه جهد مقدر من جميع الاخوه جزاهم الله خيرا واثابهم عليه لم يكن فشلا انما حدث اخفاقا عن حسن نيه ...لكي نتدارك ذلك ونعالجه يجب ان تتضافر الجهود وتتلاقح الافكار وكل يخذ بيد اخيه لكي نصل برالامان ..ولا يمكن الوصول لذلك الا بالجلوس سويا في مؤتمر عام لتحديد الاهداف وجدولتها واسنادها لمن هو اجدر بها علميا كل حسب تخصصه ...والسيال حبلي بالكفاءات ثم جدولتها والبحث عن كيفية تنفيذها ...
نحن في السيال نملك الامكانيات العقليه والبشرية والماديه والقاعدة والطموح ما يؤهلنا لقيادة المنطقة
وعمود النجاح وارضيته الصدق والأمانة والمحاسبة. .ثم المحاسبه ..عن طريق هاكم اقرءوا كتابيه ..ثم ياتي بعد ذلك الثقه ونكران الذات ...لا داعي بالعودة للوراء نحن رجال اليوم ....يوم غدا لناظره قريب.... منقول من الاخ صلاح عبدالفتاح